肥宾念旧唔会挡路
英超进入最后2轮比赛，今周可能係利物浦能否赶过曼城首次赢得英超嘅关键时刻，事关两位前红军主帅宾尼迪斯、罗渣士带领嘅球队，纽卡素及李斯特城分别会斗红军及曼城；今晚红军率先登场作客斗纽卡素，纽卡素已经肯定上岸，加上首席射手艾约斯佩雷斯有伤在身，势难充当拦路虎，红军作客让1/1.5球照捧上盘。
（Now 621周日凌晨2时45分直播）
曼城今季联赛只输过4场波，其中最近一次就係1月底作客输畀由「肥宾」宾尼迪斯带领嘅纽卡素，呢位前利物浦主帅早前被问到今场会否刻意「放水」，让红军一圆英超梦，「肥宾」官腔答覆当然话全力以赴，但事实上纽卡素早已宣布护级成功，馀下两场都係风流波，战意及决心肯定比唔上1分都不能少嘅红军，加上纽卡素上季重返英超后，3次斗红军只得1和2负，实力明显有距离。由于曼城下周二凌晨先斗李斯特城，红军赢波就可暂时做番一哥，将压力畀番曼城，红军周中喺欧联4强首回合淨吞巴塞隆拿3蛋，下周中次回合要反胜难度极高，为免「双失」今场更加不容有失。
纽卡素首席射手上阵成疑
「喜鹊」纽卡素另一不利之处係首席射手艾约斯佩雷斯有伤上阵成疑，呢名有份角逐4月份英超最佳球员嘅前锋，包办球队近3场联赛5个入波，而且纽卡素今季主场入22球，艾约斯佩雷斯个人佔9球，冇咗佢战力起码减半。红军方面虽然都有中场拿比基达提早收咧，但三叉戟之一嘅罗拔图法明奴上场对巴塞已后备上阵，嚟到生死关头冇得保留，穆罕默德沙拿及沙迪奥文尼亦要争做神射手，为公为私都要全力争士哥，红军让一球、球半冇有怕，上盘仍值得睇好。