今晚我哋直播赛事，係贺芬咸主场对禾夫斯堡，两军都正努力向下届欧战席位展开冲刺，不过相比之下贺芬咸前线实在着晒火，两大神锋贝科迪尔同卡拉马历入波易到好似食生菜，少帅拿高斯文较早前话明要赢晒今季馀下比赛，决心同信心都强到加零一，料可轻取作客欠还击本钱嘅禾堡，贺芬咸让1球、球半都冇有怕，黑柴撑上盘。
（on.cc东网周日晚9时30分直播）
贺芬咸临近季尾至全面爆发，近期4连胜场场都唔只赢1粒，较早前主场大炒利华古逊表现锐利无匹，前线两大神锋贝科迪尔（图右）同卡拉马历（图左）把握能力超强，今季德甲已合共入咗31球，当中贝科迪尔近4场已经轰入7粒，无论头顶脚踢，硬射或细腻过人甚至二传都咁劲，睇到球迷眉飞色舞，少帅拿高斯文教埋今季就另有高就，过档「小富豪」RB莱比锡，佢之前话临走要送个欧霸席位畀球迷，但经过近期愈战愈勇后，佢话不妨将目标调高啲，希望抢埋欧联参赛资格添，虽然中场大脑迪米阿巴尔停赛，不过佢话心目中已经有唔只一个解决方桉，无损今晚争胜信心。
禾夫斯堡焗攻更易爆
禾夫斯堡上轮喺最后时刻逼和法兰克福，士气都唔差，不过佢哋近3场作客分别对拜仁、多蒙特同莱比锡，全败共失10球之馀仲全数冇波入，虽然话对手强，但今晚遇上弗爆嘅贺芬咸绝对唔会易踢咗，何况佢哋积分落后太多，想争欧洲赛席位今晚非胜不可冇得泊大巴，咁就啱晒贺芬咸打反击嘞！