今晚「2哥」马德里体育会喺较早时间主场迎战华拉求列；马体会争标机会名存实亡，球员决心成疑，加上慢热作风初段未必咬得入抢分护级嘅华拉度列，半场和好路。
（Now 632周六晚10时15分直播）
马体会现时落后巴塞9分，加上输对赛成绩，要喺剩馀4轮从后赶上封王机会微乎其微。其实佢哋近况唔曳，近6场联赛只係输过畀巴塞，其馀5场赢晒，不过由于前锋迪亚高哥斯达停赛收咧，艾华路莫拉达及基沙文都係偏向技术型前锋，体形较单薄缺乏强攻本钱，所以近期好多比赛都係下半场先发力赢波，球员明显入局较慢，近5仗就有4次同对手半场打和。
华拉度列近9仗7开半和
第17位嘅华拉度列只比尾3基罗纳多1分，仲要抢分护级，佢哋自知实力唔及对手，比赛初段每每先做好防守，近9场联赛就多达7次开半和，当中面对皇马、基达菲及西维尔几支前列硬嘢都顶到半场唔输，马体会锋力唔好得过上述几队，今仗再追半场和好路。