争入前4来势汹汹
周四凌晨西甲快车，「2哥」马德里体育会主场斗华伦西亚。排第5嘅华伦仍为打入前4而努力，斗志唔会输蚀，加上葡萄牙攻击手干卡路古亚迪斯大爆发，随时带领「蝙蝠军团」喺马体会身上偷鸡，华伦西亚受让半一，下盘值博。
（Now 632周四凌晨1时30分直播）
适逢球会百年庆典，华伦西亚今季表现当然唔可以失礼，「蝙蝠军团」今季喺联赛、欧霸同西盃都有好表现，係除「1哥」巴塞隆拿之外，西甲另一支仲留喺3线作战嘅球队。虽然比赛压力大赛程亦密，不过球员都好争气，其中季尾发力嘅干卡路古亚迪斯就劲抢镜，近4仗狂入5球，为球队抢得4连胜，今场喺呢位「蝙蝠之王」领军下，有力射爆马体会门将奥比历十指关。
马体会冇「迪哥」火力减
联赛「2哥」马体会实力当然唔曳，但联赛争冠几乎无望，加上前4位置又稳固，球员决心成疑，队内「麻烦友」迪亚高哥斯达，早前辱駡球证，被重罚停赛8场提早收咧，令球队锋力受削，今场面对来势汹汹嘅「蝙蝠军团」，未必可以轻取3分，华伦受让半一，1.68倍下盘认真好路。