埃及文明发功进袭
今晚英超争标关键战，利物浦作客硬撼卡迪夫城。红军嚟到季尾冲刺阶段及时回勇，尤其係「埃及文明」锋线弗到漏油，挟8连胜强势，造访黑到冇朋友嘅卡迪夫城，有力大胜而回，就算让球盘让1.5/2球，照捧上盘。
（Now 621周日晚11时直播）
嚟到季尾阶段，利物浦同曼城于争逐联赛冠军路途上你追我赶，现时红军落后曼城1分，加上馀下赛程比曼城易踢，绝对有权捧走球队英超首冠。利物浦近期的确弗到爆灯，连同上周中欧联作客以4比1大炒波图，两回合计赢6比1杀入4强在内，近8仗全部赢晒。走出早前连番失分嘅困局，关键莫过于穆罕默德沙拿、沙迪奥文尼及罗拔图法明奴组成嘅「埃及文明」锋线重拾射门鞋，红军近8战所入嘅22球入面，上述3人就佔咗15粒，脚风明显转顺。
黑仔卡城谷前仲大镬
另一边厢，虽然卡迪夫城喺上周中补赛赢白礼顿2粒，但护级形势仍然严峻，而且佢哋近期「人衰行路打倒褪」，先喺3月尾因旁证睇漏车路士越位入球而反输1比2，前仗轮到球证收回原本判畀卡城嘅12码决定，以致淨吞般尼2蛋，严重打击士气。何况卡城遇强经常脚软，近4次联赛主场迎战Big6球队悉数输晒，其中3场更至少输3粒，表现完全唔够班，加上抢分心切，今晚主场出击或想略为谷前，随时益晒红军打反击，让球盘利物浦让1.5/2球都冇有怕，直取上盘。