因伤抖咗3个月嘅巴黎圣日耳门（PSG）球星尼马终于伤愈，可以喺周一凌晨法甲复出对摩纳哥，正好赶得切为PSG捧盃！根据法国媒体《RMC》爆料，尼马自4月初复操之后，伤势并冇复发，而且已经接近操起十足状态。加上PSG现时有唔少伤兵，教练杜曹都希望见到尼马尽快重返球场，振奋士气。
尼马对上一次为巴黎圣日耳门上阵已经係1月23日，佢缺阵之下，PSG受到多次严重打击，包括欧联16强被曼联淘汰，近3场联赛更加只有1和2负，搞到连接错过提早夺冠嘅机会。PSG只要今场击败摩纳哥，就可以夺得法甲冠军，莫非球队近期连接失分，係为咗等埋尼马复出先至捧盃，畀佢做主角？（myTV Gold 302、Now 639、有线615及655台周一凌晨3时直播）