西甲皇家马德里主场斗毕尔包。皇马联赛争标机会淼茫，今季任务只剩稳固联赛前4位置，馀下赛事大可练兵及为来季铺路，相反毕尔包为争欧战资格，肯定不愿轻易失分令皇马有机可乘，捧番中位数3.5球入球细好过。
（Now 632周日晚10时15分直播）
皇马联赛被榜首球队巴塞远远抛离，可幸球队稳佔联赛第3位，众将已经唔需要搏得太尽，随着功勳主帅施丹提早重返球队执教，皇马似乎已经将目光放咗喺为下季做准备。皇马近5仗联赛主场入得8球，其中4次开3球或以下，加上早前表现生勐嘅巴西仔云尼斯奥斯祖利亚重伤长抖，皇马进攻随时再遇阻滞。况且走势回勇嘅毕尔包踢法硬淨，近5次对皇马获3和2负，全开3球或以下，呢场都係向中位数3.5球入球细埋手。
此外，皇近日睇中咗今季大爆发嘅法兰克福21岁射手卢卡祖域，消息话皇马同法福高层已经倾到深入阶段，呢单交易大赢家随时係法兰克福，佢哋都係上个星期至用700万欧元正式由宾菲加买入卢卡祖域，家阵想用7,000万欧元将佢转手卖畀皇马，就算宾菲加会拆番20%收益，法兰克福都大赚啦！