意甲周日凌晨压轴好戏，仲有国际米兰主场硬撼罗马。罗马为争来季欧联席位，可以话1分都唔少得，可幸首都球队喺老帅云尼亚里回归后，走势稳步上升，呢场对住主场表现飘忽嘅国米，罗马有力抢分，受让之下2.16倍让球客胜咪错过。
（myTV Gold 301、Now 638、有线614及654台周日凌晨2时30分直播）
力争来季欧联席位嘅罗马，早前喺欧联16强出局后即炒前主帅迪法兰斯高，而曾经喺转会市场呼风唤雨嘅总监蒙奇冇几耐都要离队，如今罗马揾嚟「补鞋匠」云尼亚里救驾，总算暂时稳定军心，近期取得联赛2连胜。除咗前锋迪斯高喺上仗打破入球荒之外，被誉为「新托迪」嘅小将尼高路辛尼奥路表现亦日渐成熟，有力担起罗马抢分重责。
国米近3主场食白果
同为前列分子嘅国际米兰，近3仗主场未赢过之馀，更加係1球都入唔到，飘忽表现令球迷唔多满意，加上波索域同维沙积高两位中后场主力齐齐有伤倦勤，令战力大打折扣，今场冇晒士气低头出击，随时再有闪失，实在让唔起罗马，捧让球客胜好过。