欧联衰咗联赛捧盃攞尾彩
周日凌晨意甲重头戏，祖云达斯主场迎战费伦天拿。做咗成季意甲1哥嘅祖记，今场只要同对手打和就可以提早联赛封王，不过祖记啱啱欧联出局，返到联赛肯定揾硬「紫百合」出气，睇好基斯坦奴朗拿度带领「老妇人」狂数对手，中位数2.5球入球大不容错过。（MyTV Gold 301、Now 638、有线614及654台周日凌晨零时直播）
祖记雄踞意甲多年，单单联赛冠军已经满足唔到佢哋嘅野心，可惜球队啱啱喺欧联畀阿积士技术性击倒，8强止步，再次喺欧洲顶级赛事失利，表现令人失望。如今可以心无旁鹜专心联赛嘅祖记，只会加快联赛捧盃的进度。为抢回颜面，祖云达斯或会派出C朗同摩斯坚恩两位弗爆前锋担正，前者为争意甲神射手奖，肯定要搏尽抢士哥，而后者虽然年仅19岁，不过联赛下半程成功靠争气表现迅速上位，近4场联赛都有波入，两人双剑合璧火力绝对有返咁上下。
蒙迪拿教费伦有前冇后
走势迅速下滑嘅「紫百合」，已经近8轮联赛未赢过波，球队啱啱就揾返「飞机仔」蒙迪拿重执教鞭，顶替早前离队嘅前主帅皮奥利，希望呢位名宿可以带领费伦走出困局。不过有睇开蒙迪拿教波，都知道由佢揸弗嘅球队通常都踢到有前冇后，处于重整阶段嘅费伦，今场睇怕都好难成为祖记夺冠路上嘅绊脚石。回顾往绩，祖记近5次主场面对费伦，取得4胜1负，其中4次开3球或以上，今场入波肯定唔少，中位数2.5球入球大捧得过。