英超内讧Part 2有你冇我
今晚欧联8强次回合续演「英超内讧」，曼城主场再撼热刺。曼城首回合落后紧1粒，正如主帅哥迪奥拿话斋今仗冇得谂，为晋级一定狂攻；热刺虽有哈利卡尼缺阵，但球队演出反更锐利，加上双方近年喺「蓝月亮」地头碰头，经常大手交易，进取啲敲2.15倍嘅3.5球大盘！
（myTV Gold 303、Now 643、有线656及616台周四凌晨3时直播)
曼城首回合作客热刺虽然输0比1，但踢落係略佔上风，输波关键除咗阿古路初段射失12码外，主帅哥迪奥拿将奇云迪布尼及利莱辛尼摆喺后备而饱受批评，曼城为保「4冠王」美梦已冇退路，哥帅都话若果首回合0比0嘅话，今仗都唔知攻定守好，依家落后紧反而唔使谂咁多，一定狂攻争胜。
卡尼养伤 释放孙兴民
佢哋日前联赛赢水晶宫3比1，史达宁省两粒终止4场入球荒，迪布尼更交出2次助攻，前线个个都咁弗，令曼城于今季各项赛事劲轰150球，係欧联5大联赛首支能做到嘅球队，今仗一定火力全开。
热刺王牌哈利卡尼喺首回合中段伤出，今仗肯定缺阵，好在孙兴民挺身而出射入奠胜球，球迷应该记得卡尼上次养伤期间，「老孙」4次为热刺正选上阵皆有士哥，带领球队4连胜，反映「哈神」缺阵令佢更有发挥，另一锋将卢卡斯莫拉上场联赛更大演帽子戏法，其中一球正正係「老孙」助攻，守将维顿汉亦讲到明唔会死守，希望抢得作客入球令曼城陷于被动。
翻查往绩，曼城今季26次主场未试过食白果，近5次主场斗热刺获3胜1和1负轰17球，而热刺只有1次交白卷，其中4场开4球或以上，斗攻格局实多波入，捧3.5球嘅大盘。