周三凌晨另一场欧联8强次回合，祖云达斯主场迎战阿积士。祖云达斯今季欧联主场出击气势不俗，尤其有欧联射手王基斯坦奴朗拿度（C朗）担正，前场火力有保证，对住攻强守弱嘅阿积士，祖记赢波信心十足，主胜唔好错过。
（Now 644、有线602及662台周三凌晨3时直播）
C朗近届欧联8强丧入波
祖记首回合同阿积士打和1比1，抢得关键作客入球，呢场数字上只要以0比0闷和对手就可以晋级，不过祖记作为欧联劲旅，喺自己主场出击又点会甘于踢得咁保守，今届球队欧联4次主场取得3胜，其中就包括早前喺16强次回合，以3比0击溃以防守见称嘅马德里体育会，威力惊人。队中最强武器肯定係C朗，呢位葡萄牙球星虽然早前国际赛受伤，不过一复出，就喺首回合面对阿积士一仗头槌破网，极速上力。
C朗暂时以125球高踞欧联史上射手榜榜首，其中有64球都係喺淘汰赛取得，尤其入到8强特别醒，近4届7次出战8强，有6次都抢到士哥，计埋加时赛，C朗丧入咗12球，堪称喺淘汰赛入球机器。呢场对住后防唔算稳阵嘅阿积士，睇好C朗再数胡为祖记抢W。