至于另一伦敦球队兼夺标大热车路士，喺今晚欧霸8强首回合先作客捷克布拉格斯拉维亚。车仔虽然今届欧霸多派副选应战，但箭头基奥特坚争气频有士哥，挟近5场欧霸客场4胜之势，有力抢先机，直取1.58倍客Ｗ！
（myTV Gold 800、Now 644、有线662及602台周五凌晨3时直播）
基奥特欧霸累积入9粒
捷克班霸布拉格斯拉维亚喺16强次回合，加时惊险淘汰西维尔，令人喜出望外，但除此之外，佢哋今届未遇过强手，实力仲未得到证明。相反车仔今届欧霸盃多派副选应战，效果依然唔曳，其中喺联赛失宠嘅中锋基奥特，踢欧霸分外醒神，16强次回合作客基辅戴拿模更大演帽子戏法，协助球队大炒5比0，佢喺今届欧霸盃已累积9粒，位列赛事射手榜首位，为证明自己唔差得过主帅沙利嘅爱将希古恩，有得落场必定砌到尽。另一瞩目新星赫臣奥杜尔亦连续3场欧霸有士哥，近期甚至升呢喺联赛频频担正，潜力无限。
由于英超争前4仲好紧凑，现时排第3嘅「车仔」虽然形势乐观，但为免联赛出意外，欧霸抽得靓籤梗係踩油尽去，决心唔使怀疑。睇番「车仔」近5场欧霸盃客场出击，取得4胜1和，绝对有力先拔头筹，客胜好路。