阿积士誓刮青春风暴力抗意甲「1哥」祖云达斯。以杜辛泰迪治及法兰基迪庄为首嘅阿积士，在16强淘汰衞冕嘅皇家马德里，过程极具说服力，祖记虽然有王牌基斯坦奴朗拿度伤愈，但匆匆复出状态成疑，阿积士挟今届欧联14战仅1败之势有力一战，主场受让必捧让球主胜。
（myTV Gold 800、now644、有线662及602台周四凌晨3时直播）
沉睡多时嘅荷兰老牌劲旅阿积士，16强首回合主场输1比2嘅劣势之下，喺次回合作客大胜近3届欧联盟主皇马4比1，两回合计反胜5比3晋级，相隔16年再度杀入欧联8强。阿积士阵中有不少荷兰国脚，法兰基迪庄、马菲斯迪历特、云迪碧克、戴利白兰特等，法兰基迪庄只得21岁，1999年8月出世嘅马菲斯迪历特未足20岁，喺呢班新星崛起之下，配合经验丰富嘅中场杜辛泰迪治，阿积士攻力几得人惊。
阿积士联赛29战已经射入100球，欧联连埋外围赛，14战亦射入29球，只有1场入唔到波，平均每场入超过2球，亦令佢哋今届欧联战绩累积14战8胜5和1负，以今场盘路计，主场受让真係好抵。
祖记C朗状态成疑
祖云达斯虽于联赛一放绝尘，但喺16强大演帽子戏法踢马体会出局嘅王牌C朗，早前喺国际赛受伤，一直都未上过阵，儘管康复进度良好，今场好大机会赶及候命，不过匆匆复出状态难有保证，对进攻影响甚大。况且今场只係首回合，祖记只要唔输都有优势，唔会太过进取。