周日晚英格兰足总盃4强大战，屈福特将会喺温布莱球场斗狼队，等阿King趁机提供过关心水。前场火力有番咁上下嘅狼队，今届出战英足盃几乎场场都同对手斗攻，喺联赛无欲无求情况下，为争入决赛今场肯定同屈福特搏尽，中位数2.5球入球大要得过。
（周日晚11时开赛）
屈福特同狼队现时排联赛榜中上游，既冇降班威胁，亦难争入前6，今场可无牵无挂争入决赛。其中狼队今届英足盃先后淘汰利物浦同曼联两支英超Big 6劲旅，表现够晒抢镜，但亦试过要同英甲球队梳士贝利斗足两回合先晋级，可见狼队明显重攻轻守。计埋呢3圈赛事，狼队近5次出战英足盃有4次开3球或以上，今场对住锋力不俗嘅屈福特，随时再演入球骚。
毕尔包主将缺阵反得过
较早时间开波有西甲基达菲主场斗毕尔包，排名第8嘅毕尔包仲有机会抢欧霸资格，可惜进攻核心蒙尼恩今场停赛，令实力大打折扣，好难同表现硬淨嘅基达菲抢分，捧番主胜好过。
（Now 632周日晚8时直播）
最后有护级分子切尔达主场面对皇家苏斯达，切尔达球星伊亚高艾斯巴斯强势回归，频频帮球队抢分，今场有佢压阵肯定多波入，中位数2.5球入球大唔好错过。
（Now 632周一凌晨零时30分直播）