季后赛资格未稳唔敢hea
周五澳职独脚戏，墨尔本城迎战布里斯班狮吼。排联赛榜第6位嘅墨尔本城上场作客淨吞西悉尼流浪者3蛋，近8场联赛仅得1胜，佢哋现时只比第7位嘅纽卡素喷射机多7分，仍未稳夺前6位嘅季后赛资格，今仗主场料急攻对手，中位数1.5球嘅半场大值博。
（Now 639、有线655、615台及myTV Super302周五下午4时50分直播）
睇番现时排尾2嘅布里斯班狮吼落后第6位嘅墨城18分，已肯定无缘进身季后赛。佢哋对上18场联赛场场有失波，包括近5场作客狂失14球，单计上半场更已失咗9球咁多，今场半场失波唔出奇。
狮吼入得又失得
不过狮吼胜在有一定入球能力，而且经常甫开赛便抢攻，近5场作客联赛上半场共入7球，全部半场开2球或以上，今场随时同墨城对攻。
常规赛剩番4轮，墨尔本城希望稳夺季后赛位置，或者争取更佳排名，主场出击一定要抢到尽，教练华伦祖斯赛前收到嘅好消息，係球队伤疲尽起，可以夫添全力争胜，遇正伤兵满营嘅狮吼，可以尽情进攻，早早入多几粒奠定胜局最紧要，中位数1.5球半场大要捧。