头号射手唔准倒戈
周六凌晨英超独脚戏，修咸顿主场挑战利物浦。随住榜首争持进入白热化阶段，利物浦想喺曼城手上抢番1哥席位，真係1分都唔少得，好彩「红军」攻守两端都有勐将压阵，呢场面对实力差几班嘅「圣人」全取3分话咁易，利物浦让一球、球半唔算多，一于捧上盘。
（Now 621台周六凌晨3时直播）
英超经过周中补赛连场激战后，利物浦暂时仅以1分之差，落后榜首嘅曼城屈居次席，喺充满变数嘅英超赛场，冠军宝座最终谁属依然好难定断。上仗「红军」就再度成功跨越难关，以2比1击败Big 6劲敌热刺，取得争冠路上重要胜仗，其中穆罕默德沙拿嘅表现都绝对抵讚，佢喺上仗临完场前嘅头槌攻门，导致热刺球员自摆乌龙，为「红军」博到致胜球，绝对称得上係赢波功臣。
利物浦有前有后撑上盘
埃及球王近期陷入入球荒，令唔少人质疑佢嘅状态，仲批评佢今季入球效率亦远不及上季，不过睇真啲，佢嘅两位前场好拍档罗拔图法明奴同沙迪奥文尼，今季成功分担埃及人嘅入波重责，对保持利物浦稳定表现绝对係好事，况且穆罕默德沙拿至今斩获17个联赛入波，成绩绝对唔曳。况且对手「圣人」前场锋力麻麻，除咗头号射手丹尼艾格斯係利物浦借将，因迴避条款唔可以上阵之外，查理柯士甸今季都只係入得2球，进攻明显冇料到，呢场要对住倒戈相向嘅「红军」防线定海神针华基尔云迪积克肯定冇运行，一于捧利物浦上盘。