争前4搏埋呢段
今晚英超头场好戏码，伦敦劲旅车路士作客斗卡迪夫城。「车仔」上轮联赛输畀「拖肥」爱华顿后，争联赛前4形势陷入被动，今匀对住护级水深火热嘅卡迪夫城，喺「夏世三」夏萨特带领下，呢3分可谓志在必得；卡迪夫城上场赢波止血，但近4仗有3次半场落后，「车仔」1.8倍半场客胜咪走宝。
（Now 621周日晚9时05分直播）
「车仔」近两轮联赛先赛和狼队，之后更输畀爱华顿，即时唔见5分，现时只以57分排第6位，落后第4嘅阿仙奴3分（未计寻晚赛事），想争得来季欧联席位绝对要踩油搏埋呢段。值得庆幸係一班主力喺国际赛期都好争气，除夏萨特代表比利时两战入3球脚风顺到冇朋友之外，18岁英格兰小将赫臣奥杜尔首次代表「三狮军团」上阵，表现亦令人眼前一亮，状态咁弗，主帅沙利临场调兵遣将又多一个选择。
卡城遇强顶唔到半场
排第18位嘅卡迪夫城护级形势凶险，不过同前面几队得几分差距，护级仲有价讲，可惜「卡城」今季「遇强即屈」，成功抢分对手多数係同级球队，相比之下，「卡城」近7次联赛斗Big 6全部输晒，其中5次半场就已经落后，今场面对急求反弹嘅车路士，睇怕主场都帮唔到手，半场客胜值博。