周一凌晨西甲压轴战，皇家马德里主场斗侯尔斯卡。皇马功勳主帅施丹回归后拨乱反正，不过季后佢必重建球队，各球员为免被清洗，肯定加多几钱肉紧，遇「鱼腩」侯尔斯卡正好畀机会佢哋博表现，让球主客和即使主队让两球，照捧让球主胜。
（Now 632周一凌晨2时45分直播）
皇马今季无论係洛佩特吉或苏拿利带领下，表现都令球迷失望，搞到「银河舰队」喺各项赛事多出现溃败惨状，除咗西盃同欧联先后遭淘汰，联赛亦畀死敌巴塞大幅抛离，争冠机会微乎其微。施丹选择喺球队最黑暗时期回归，短期内绝对可以帮队波注入强心针，手握重金同大权嘅佢，为重振昔日光辉，季尾肯定多搞作，意味队内难免会有人遭清洗。为保饭碗，一班球员落场点会锡身，其中前朝「边缘人」艾斯高及不得球迷欢心嘅加里夫巴利，上轮施丹回归首战即有波入，今场有望延续好脚头。
侯尔斯卡残阵冇得救
今季首次升上西甲嘅侯尔斯卡位列榜尾，护级形势非常严峻，加上雷仙奴、卡路士阿卡普同柏保路恩素亚几位后防大将全部有伤提早收咧，令实力大打折扣，根本难同星光熠熠嘅皇马周旋，作客预咗放低3分，只係睇下输几多粒，让球主胜属好路之选。