球王美斯重披蓝白战衣第一战！阿根廷将于西班牙马德里中立场同委内瑞拉上演热身赛。美斯复出为6月举行嘅美洲盃备战，阿根廷有球王眷顾攻击力即刻高几瓣，呢场势同对手演入球骚，大盘唔好错过。（周六凌晨4时开赛）
上年世盃阿根廷16强输畀法国被淘汰，美斯经历无数次失败难免令人意志消沉，继2016年后再度澹出国家队，今次出山回归，可见佢依然心繫国家队。新帅史卡朗尼召入的30人名单中，仅有8人係上年世盃成员，志在试用新人，其中里安度柏利迪斯和卢施素等后起之秀有望组成全新中场，为美斯分担组织重责，只要球王可以专注进攻，阿根廷火力有保证。
委内瑞拉抢攻慰国民
委内瑞拉国内虽然正饱受政治动荡，不过热爱足球嘅南美人点会放弃睇好波嘅机会，球员为咗令国民暂时忘记残酷嘅社会现状，一定希望入多几球波，藉好表现将欢乐带畀球迷。
委内瑞拉阵中除咗效力英超纽卡素嘅前锋荷西朗顿之外，仲有上季打破美职单季入球纪录嘅神射手祖斯夫马天尼斯。两队近4次碰头，就有3次开3球或以上，呢场随时再斗攻。