伤兵成箩作客秘鲁先求稳
周三早上南球盃首圈首回合激战连场，等阿King同大家讲讲过关心水。其中秘鲁球队慕尼斯帕尔将会主场迎战阿甲代表高隆，高隆一班前锋近期齐齐哑火，进攻有阻滞，呢场作客都会睇定啲嚟踢，捧半场和比较稳阵。
（周三早上8时30分开赛）
喺阿甲联赛排名倒数第3嘅高隆，今季整体表现令人失望，进入2019年情况都未见好转，尤其一班前锋状态低迷，近6仗未赢过波之馀，仲只係靠12码先入到2球。查实球队伤兵问题都几严重，除咗中场主力李安纳度希利迪亚同费列斯拿有伤缺阵之外，近排仲有哥伦比亚前锋摩尼路加入十字军名单，未有随队前往秘鲁，肯定进一步削弱原本已经疲弱嘅前场攻力。加上高隆出战南球盃比赛初段都比较慢热，近5仗南球盃半场全开半场和，呢场高隆随时弃攻主守，留待次回合返主场再搏过，半场和係好路。
艾斯宾路拿「速食」新丁
同日仲有智甲嘅艾斯宾路拿主场斗厄瓜多尔球队穆苏鲁拿，穆苏鲁拿属南球盃新丁，今季联赛6战赢得1场咁大把，无论级数定近况都差艾斯宾路拿一大截，加上艾军近4仗全胜，主场出击更有信心，主W博得过。
最后有玻利维亚球队国民普托斯主场面对委内瑞拉代表苏利亚，后者国家政局溷乱，令球队士气都麻麻，不过国民普托斯踢亲南球盃开局都比较保守，半场和值博。