嚟紧係国际赛周，星期一啲波就相对静少少，不过唔代表冇好嘢，阿King帮大家做吓功课，买条过关以小博大啦。德乙雷根斯堡主场对格雷特霍夫，格雷特霍夫前线哑火，射手祖利安格连停埋赛，作客难敌升势中嘅雷根斯堡，雷根斯堡让半一仍抵玩。
格雷特霍夫整体作客成绩排联赛尾4，但得球数字真係低到得人惊，13战只入8球，係德乙唯一作客入波只得个位数字嘅球队，佢哋离开咗主场就好似唔识踢波咁，近8场联赛作客只得2和6负，坐拥主场之利嘅雷根斯堡可全取3分。
班菲特遇剋星捧对家
跟住拣两场阿甲，先讲班菲特主场对葛度尔古斯，葛度尔古斯堪称班菲特剋星，近5次交手获4胜1和，而且球队冇特别伤停，今场可以抢分而回，受让必捧让球客胜。至于飓风队主场对学生队，相信係一场闷战，飓风队近4仗入得1粒，毫无威力，士气好低，学生队作客又唔掂，近3场输晒只入过1球，而且双方近5交手亦全开2球或以下，即使中位数调低至2/2.5球，今场一样拣入球细。