另一场16强次回合，曼城主场再斗史浩克04。曼城虽然3线作赛，但球队冇回落迹象，源于中前场球员输流发威，阿古路入唔到波就有史达宁，唔好忘记仲有利莱辛尼同马列斯，炮台多亦造就早开纪录，曼城今届7场欧联6次半场开大，包括首回合对史浩克，相信今场都係半场就发动，中位数1.5球半场大值博。
（Now 643、有线616及656台周三凌晨4时直播）
曼城首回合作客虽以3比2赢波，但过程绝不轻鬆，除了半场一度落后1比2，中坚奥达文迪换边后领红牌更陷入苦战，如非史浩克球员缺乏经验太过心雄，曼城未必能够喺末段连入2球反败为胜。曼城今场有中坚奥达文迪及防中费兰甸奴停赛，为免防线进一步受压，相信领队哥迪奥拿唔会夹硬改变踢法缩得太后，照样用番球队风格，以攻代守。
被睇低一线嘅史浩克首回04合能够喺曼城身上攻入2球，表现已有交代，如今仅以1球落后，预计可抛开心理包袱放胆抢攻。曼城今届7场欧联6次半场开大，而佢哋近5场欧联主场只有1场保持清白身，当中3次换边前已失守，史浩克04睇过之前阿积士同曼联首回合落后都可以晋级嘅奇迹，绝对可以放手一博，今场相信好早会开纪录，1.5球半场大好路。