今日阿King将焦点放喺晏昼日本波，重心推介日职直播赛事，力争3连霸嘅川崎前锋作客斗横滨水手；前锋开季未上力，对住两连胜嘅水手冇本钱让波，水手受让平半必捧下盘。（有线602及662周日下午1时直播）
上季斗到煞科日先至护级成功嘅水手，今季表现大跃进，头2轮联赛先后击败大坂飞脚及仙台维加泰，当中新兵艾迪加祖尼奥个人入3球，表现对办；前锋今季须要兼顾亚冠盃，今场係佢哋23日内第5场比赛，上周佢哋喺亚冠盃分组赛0比1输畀上海ＳＰ，嚟紧周中又要再斗ＦＣ悉尼，对一班年过30嘅主力包括小林悠、家长昭博及中村宪刚嚟讲绝对唔易啃，何况佢哋头两场联赛分别打和ＦＣ东京及鹿岛鹿角，表现明显未上力，疲兵出战仲要作客让平半，水手下盘咪走宝。
串维加泰细市原大
另一场日职由神户胜利船作客斗仙台维加泰。胜利船虽有韦拿、恩尼斯达及普多斯基3大球星压阵，不过整体配合仲要改善；维加泰主场一向够硬淨，今季联赛首战便以0比0摸和实力不俗嘅浦和红鑽，拣2.5球入球细。最后一关係日乙千叶市原主场斗山口雷法，两军今季同样未开斋，千叶市原上季42场联赛入72球、失72球，踢法有前无后；山口雷法开季两连败，同对手加埋一共入10球，2.5球大盘捧得过。