今晚西甲尾场，「银河舰队」皇马作客对华拉度列。啱啱于欧联出局嘅皇马，依家内部立立乱士气曳爆，队长沙治奥拉莫斯亦要坐波监，不过华拉度列攻力疲弱，转捧3.5球嘅入球细最稳阵。
（Now 632周一凌晨3时45分直播）
皇马喺上周中欧联16强次回合，于主场对阿积士竟惨败1比4，两回合计反输3比5，令呢支欧联3连冠劲旅提早出局，亦係自2004年后，首次主场4连败，包括两次输畀死敌巴塞。一系统羞家战绩更引爆内讧，有传队长沙治奥拉莫斯同会长皮里兹吵大镬，随时执包袱走人，若果真係解约，皇马要赔2500万欧元。而且主帅苏拿利基本上都冇得留低，问题係捱唔捱到埋季尾，如果成绩再差落去，有传皇马会搵名宿施多夫顶到季尾，乱到冇朋友，依家个个人心惶惶，士气低落。
征华拉度列吼3.5球细盘
讲番今场波先，沙治奥拉莫斯要停赛冇得出，上仗伤出嘅卢卡斯华斯基斯同云尼斯奥斯祖利亚继续倦勤，而加里夫巴利因身体不适，近日未有操练，上阵成疑，苏帅可能要焗用同佢不和嘅艾斯高，伙拍宾施马及马高阿辛斯奥，唔慌会同佢搏命喇，攻力大减。不过华拉度列 自季初有朗拿度入主掀起一轮「大哨效应」后，近期表现下滑，近7场联赛5度落败，最弊係入得3粒咁大把，面对皇马必定死守，正路捧番3.5球嘅入球细。