记挂欧联快刀斩乱麻
今晚英超压轴尾场，重登榜首嘅「蓝月亮」曼城，喺主场硬撼「大黄蜂」屈福特。曼城赢到开巷弗到震，而且比「2哥」利物浦早一日比赛，若果赢波就可给以畀争标劲敌更大压力，加上近年面对「大黄蜂」例多波入，中位数3.5球照捧入球大。（Now 621周日凌晨1时30分直播）
从上年12月尾突然走样2连败、一度落后利物浦7分嘅曼城，凭之后嘅10场联赛豪取9胜1负佳绩，其中8场喺上半场已领先，得以反压频频失分嘅「红军」1分升番上榜首，唔讲得笑，「蓝月亮」喺逆境下尽显强大心理质素。虽然中场奇云迪布尼喺上仗险胜般尼茅夫1比0之役伤出，但入替佢嘅马列斯正正攻入致胜士哥，反映出佢哋板櫈深度坚充足。
马列斯表示比「红军」早一日比赛，当赢波后明显带来优势，并将压力加诸于劲敌上，上周正係曼城先赢般茅，而之后一日利物浦在重压之下被爱华顿闷和0比0，得以重返榜首，今轮又係「蓝月亮」先比赛，一定搏尽赢波。
屈福特遇强即屈
屈福特今季表现唔错，可惜遇强即屈，近8次面对Big 6球队，只得1胜7负，见到都唔开胃。翻查纪录，两军近4次碰头，曼城唔单止赢晒，有3次总入球达4球或以上，仲由头赢到尾，加上「蓝月亮」喺周中有欧联16强次回合对史浩克04后顾，必想大胜一仗振声威，大盘值得捧场。