周一凌晨意甲重头戏，联赛榜「2哥」拿玻里主场迎战「1哥」祖云达斯。睇排名呢场虽然係榜首大战，不过拿玻里已落后祖记13分，要从后赶上难过登天，更何况拿玻里嚟紧周中要踢欧霸16强首回合，今场留有一手绝对唔出奇，祖记受让必捧让球客胜。
（Now 638、有线654、614、662及602周一凌晨3时30直播）
呢场虽然係联赛榜2哥斗1哥，不过双方差距多达13分，除非祖记馀下13场联赛离奇失准，否则祖记完成8连霸相信指日可待。由于排第3嘅国际米兰周六凌晨作客1比2不敌卡利亚里，拿玻里依家领先国米9分兼踢少1场，亚军位置基本上好稳阵。
拿玻里欧霸前例留力
嚟紧周中拿玻里会喺欧霸盃16强首回合主场斗奥地利班霸萨尔斯堡，睇番佢哋对上一圈欧霸32强赛事，主、客两回合前一轮联赛同以0比0打和费伦天拿及拖连奴，所以话佢哋今场有机会留力，绝对有根有据。
相反祖记周中唔使踢欧联可以全力以赴，而且佢哋上场联赛作客1比0险胜博洛尼亚，成功破纪录成为意甲史上首支头25轮攞到22胜嘅球队，气势完全冇走样；再者，祖记目前仲係欧洲5大联赛唯一不败之师，水准稳定可见一斑，佢哋同拿玻里嘅13分差距，正好证明咗两军实力差距，祖记今场竟然仲有得受让，让球客胜咪错过。