首轮焦点
周日早上美职首轮大战，洛杉矶银河将会主场斗芝加哥火燄。火燄上季防线疲弱，今季可唔可以有改进都好难讲，尤其球队过往面对银河经常演入球骚，今仗以伊巴谦莫域为首嘅一班银河攻击手实有不少发挥空间，入球大值博。
火燄后防未执掂
上季深受板櫈深度不足问题困扰嘅火燄，表现令人失望，尤其后防人手长期不足，逼住头号球星舒韦恩史迪加经常要客串踢中坚，大大削弱呢位前德国世盃冠军中场嘅作用，今季球队由葡超劲旅士砵亭引入巴西后衞马些路，应该有望解放「小猪」回归中场，不过新兵初到美职仲需要时间适应，未必可以即刻改善火燄嘅防守问题。
上季同季后赛资格擦身而过嘅银河，阵中依然星光熠熠，其中头号球星伊巴谦莫域虽然已经37岁高龄，不过应付美职绝对绰绰有馀，上季瑞典前锋常规赛就独取22球，高踞射手榜次席，加上有墨西哥孖寳杜斯山度士兄弟助阵，火力唔讲得笑。尤其银河近5仗主场对火燄4次开3球或以上，呢场两队有望再出现对攻局面，入球大唔好错过。