周五凌晨起各大盃赛激战连场，等阿King同大家分享过关心水。其中周五凌晨西班牙盃4强次回合，华伦西亚将返回主场火併贝迪斯；华伦近期火力疲弱，对住表现硬淨嘅贝迪斯随时再次哑火，中位数2.5球细盘要得过。
状态飘忽嘅「蝙蝠军团」，首回合同贝迪斯打成2比2，抢得2个宝贵作客入球，形势稍佔优，今次主场出击肯定会踢得比较保守。况且华伦一班前锋状态认真麻麻，球队近3仗主场虽然未输过，不过只係入过1球，其中主力前锋洛迪高摩连奴已经连续4场冇波入，深陷入球荒，料有作客入球在手嘅华伦今场会踢稳守突击，实行睇定嚟踢，中位数2.5球入球细值博。
阿特兰大联绝地「大」反击
去到周五朝早，自由盃第3圈外围赛次回合，首回合赢1比0嘅巴拉圭球队利伯泰迪，攞住领先优势作客对哥伦比亚球队国民体育会，肯定唔会抢攻，球队近4仗自由盃全开半场和，值得再追。最后有中冠盃16强次回合，阿特兰大联首回合不敌哥斯达黎加球队希雷迪亚洛1比3，但呢支美职王者主场向来特别醒神，睇好佢哋成功反扑收复失地，捧入球大啱数。