另一场欧联16强首回合，里昂主场硬撼巴塞隆拿。巴塞今届欧联表现稳阵，最紧要係睇到美斯回复斗心，16强抽靓籤对私房菜里昂过关无难度，巴塞近6次对里昂4胜2和，近4次交手美斯入3球，今场巴塞绝对可以睇定嚟食，客W有1.63倍绝对超值。
（Now 644、有线662及602台周三凌晨4时直播）
巴塞刚与主帅华尔维迪续约1年，有助稳定军心，队长美斯伤势亦冇碍，夫添出击攻力有保证。始终近3届欧联由死敌皇马包办，巴塞上下对「大耳朵盃」飢渴感十足，美斯喺分组赛亦有上佳表现，老实讲，有斗心嘅美斯一般人真係好难防到佢。
里昂王牌费基亚停赛
里昂算是16强入面实力较弱对手，虽然佢哋曾经喺分组赛击败曼城，但最终只得1胜5和仅仅出线，两回合4场对住萨克达同贺芬咸都赢唔到波，水准可想而知，最大镬嘅係，今场王牌费基亚要坐波监，费基亚同哥尼特同样为里昂喺分组赛射入3球，佢嘅缺阵势必令火力受削，想反抗吓嘅能力都欠奉，巴塞可以肆意进攻。
翻查埋赛绩，双方近6次于欧联交手，巴塞4胜2和未输过，而美斯更喺近4场射入3球，今场巴塞只要发挥正常，球队作客早早奠定胜局，对联赛及西班牙盃部署都有正面作用，客W可以放心捧场。