贺芬咸正力争下届欧战入场券，上轮作客西法伦球场对死敌多蒙特，自佢哋升上德甲后，立即畀多蒙特球迷辱駡，话佢哋嘅金元足球污染咗德甲健康发展，双方早结下深仇，呢场波贺芬咸踢到完场前15分钟仲落后紧0比3，全凭永不放弃精神，喺尾段连追3球奇迹抢番1分，呢场和波对士气嘅帮助，仲好过连赢两场，今季至加盟嘅阿尔及利亚射手贝迪科尔发威，佢同祖连顿、卡拉马历组成嘅贺芬咸三叉戟，今季已合共入咗20球，今晚强势主场出击，就算领先咗都唔会留手，势必全力争取大胜。
降班胆汉诺威作客水
汉诺威计表现係降班胆，上轮主场同纽伦堡水斗水嘅榜尾大战，全赖开波11分钟对手踢少个，大部份时间人多打人少至赢到，而且作客係佢哋弱项，对上一次作客赢波已经係2017年10月，之后年几以来德甲22场作客都未赢过，今晚阵容亦残过主队，加上近5次作客贺芬咸全败，上季到访输1比3，结合今仗形势，预期会输得更惨烈。