今晚英格兰足总盃16强压轴尾场，乙组仔纽波特郡主场挑战英超「1哥」曼城。虽然「蓝月亮」有欧联顾虑，但班波近期极度抢缰，就算遣派非必然正选上阵都够杀，让球主客和让3球照捧让球客胜。
（周日凌晨1时30分开赛）
曼城叫紧胡做「4冠王」，咁多条线当中今晚对纽波特郡叫较易踢，不过下周中欧联对史浩克04，主帅哥迪奥拿都要作出轮换，王牌阿古路好大机会抖抖，预计会起用加比尔捷西斯冲锋。「耶稣」喺今届本土盃赛特醒，英联盃连同英足盃，近4仗盃赛轰6粒，其中英联盃4强对伯顿食出大四喜，专恰弱队。另外较少担正嘅翼锋马列斯，亦大有机会骚吓哥利。
纽波特郡英乙都踢唔掂
纽波特郡喺英乙只排15，近6仗仅2胜，虽然盃赛表现突出，但所淘汰嘅李斯特城、米杜士堡等，难同弗到爆嘅曼城相提并论。就算「蓝月亮」略作留力，实力都赢几条街，加上佢哋近4仗本土盃赛狂入22球，其中3仗至少赢5粒，火力惊人，让球主客和让3球都唔怕辣，直取让球客胜。