欧联16强已经开打，几支下周有份出战嘅球队今晚会提早登场，其中意甲榜首祖云达斯主场迎战费辛隆尼；祖记目前喺意甲一支独秀，为留力欧联大可睇定嚟食，睇番佢哋对上3次联赛斗费辛隆尼取得2胜1和，3场总入球都係开2球，今场大细中位数开3/3.5球，入球细可作为过关重心。
（Now 638、有线654及614台周六凌晨3时30分直播）
祖记今季意甲踢咗23场攞到20胜3和，係5大联赛入面唯一不败之师，依家佢哋领先第2位嘅拿玻里11分，捧盃相信只係时间问题。祖记欧联16强对手係西甲劲旅马德里体育会，踢法一向以硬淨见称，祖记首回合仲要先作客，既然今场对手只係排尾2嘅费辛隆尼，祖记大条道理作出轮换。费辛隆尼牌面虽然唔及对手，不过佢哋好有自知之明，近年每次遇上祖记都决心死守，好似今季首循环，祖记要到下半场完场前9分钟先凭基斯坦奴朗拿度打破闷局，埋单小胜2比0，睇番两队近3次碰头，总入球都开2球，今场首选细盘。
拜仁吼大里昂炒镬「甘」
另外两关赛事，先讲德甲拜仁慕尼黑作客斗奥格斯堡。拜仁上周3比1击败史浩克04，并乘住多蒙特失分，将榜首差距缩窄至5分，就算下周中欧联要硬撼利物浦都冇得放鬆。不过拜仁歇冬后连续5场都有失波，后防唔稳阵，对住入得又失得嘅奥格斯堡，相信会有唔少入波，捧中位数3.5球入球大。
（Now 670、FOX +、有线651及611台周六凌晨3时30分直播）
最后法甲里昂主场斗甘冈，里昂下周欧联会喺主场挑战西甲劲旅巴塞隆拿，既然连续两场都喺主场出击，今场当然希望先赢一仗壮声威；甘冈月初先喺法足盃输过畀里昂1比2，而且今季联赛作客巴黎圣日耳门、里尔、马赛等传统劲旅都被大炒，里昂让球半／两球照捧上盘。
（Now 639、有线655及615台周六凌晨3时45分直播）