欧霸盃32强首回合今晚开打，英超阿仙奴作客白俄球队巴迪。阿仙奴主帅艾美利堪称「欧霸专家」，今届6战赢5场，其中4仗半场就领先，造访实力麻麻嘅巴迪可速战速决，半场客胜有计。
（Now 643、有线656及616台周五凌晨1时55分直播）
主帅艾美利堪称欧霸专家
由于英超前4竞争劲激烈，阿仙奴亦希望藉赢得欧霸盃，取得下届欧联入场券，况且其主帅艾美利喺2014至16年执教西维尔期间，连续3届喺欧霸封王，所以艾帅对呢个盃赛驾轻就熟。虽然阿仙奴仲有好多伤兵，幸好米希达利恩啱啱喺上场联赛对哈特斯菲尔德伤愈复出，表现唔错，对艾帅嚟讲可谓及时雨，加上有快翼伊禾比支援箭头拿卡锡迪，攻力唔曳。
主场嘅白俄班霸巴迪实力一般，今届欧霸盃分组赛6战3胜3负，包括两斗副选出战嘅车路士全败，仅以次名出线，入到32强已经达标。阿仙奴今届欧霸坚Sharp醒，6场分组赛豪取5胜1和不败，其中4仗上半场就领先，踢法抢缰足够恰死巴迪，客胜得1.3倍，不如转玩半场客胜。