近4次交锋全演入球骚
周四凌晨续演两场欧联16强首回合，英超热刺喺温布莱主场迎战德甲榜首多蒙特。虽然两军队长兼射手哈利卡尼及马高列奥斯均因伤缺阵，但从近期比赛所见，冇咗呢两名主力，对彼此整体发挥影响不大，尤其近期踢到晓飞嘅孙兴民係多蒙特剋星，重返家乡伦敦比赛嘅查顿辛祖亦弗到漏，既然两军对上4次交手总入球都达3球或以上，捧2.5球大盘最啱数。
（Now 643、有线616、656台周四凌晨4时直播）
今次係两军近4届欧洲赛第3度交锋，上届欧联分组赛，热刺主、客分别以3比1及2比1击败多蒙特，取得首名资格进身16强，不过两队喺2015/16欧霸16强交锋，多蒙特主场先胜3比0、作客再赢2比1，同样地双杀热刺晋级，计往绩可以话旗鼓相当。
孙兴民剋住蜜蜂兵团
热剌几名伤兵包括前锋哈利卡尼、中场迪利阿里及后衞宾戴维斯虽然已复操，但前者肯定唔会上阵，前线继续要靠近3场联赛都有士哥嘅孙兴民孭飞。曾经喺德甲搵食嘅孙兴民，过往对住多蒙特特别有计，效力汉堡及利华古逊期间，5次上阵斗多蒙特合共射入5球，而上述提过热刺近4次喺欧洲赛斗多蒙特，孙兴民3场有士哥，以佢近期弗爆状态，有望继续喺多蒙特身上搵到着数。
多蒙特队长马高列奥斯喺早前德国盃对云达不来梅一役伤出，不过上场联赛冇咗佢，多蒙特仍能攻入贺芬咸3球，其中18岁嘅英格兰新星查顿辛祖唔只先开纪录，之后仲间接助攻畀马里奥葛斯及拉菲尔古里路入波，一个人孭起整条多蒙特攻击线。
查顿辛祖回乡要攞威
原来查顿辛祖係喺伦敦南部地区坎伯韦尔出世，今次係佢2017年离开曼城后，首次代表多蒙特重返家乡比赛，赛前佢讲明好期待喺家人及朋友面前大显身手，因为呢个係佢自细梦想，落场肯定搏到尽。不过多蒙特上场联赛喺领先3球之下，最终仍被贺芬咸连追3球打和3比3，防守似乎有唔少漏洞，加上领队法夫尔主张进攻足球，今次作客温布莱球场相信一样会抢攻，中位数2.5球大盘捧得过。