主队冇Heart 对手冇态
欧霸32强首回合费伦巴治主场对辛尼特周三凌晨率先开打，费伦巴治管理立立乱，现时喺土超下游挣扎，护级大过天，欧霸无心恋战。辛尼特仲处于俄超歇冬期间，球队仅靠热身赛保持状态，而且佢哋踢欧霸保守到爆，近6场欧霸5次总入球开出2球或以下，中位数2.5球入球细热得合理。
（Now 643周三凌晨1时55分直播）
作为土超传统劲旅，费伦巴治今季战绩真係差到爆，现时排第14位，沦为护级分子，主要原因係球会管理层相当短视，现任教练耶拿已经係费伦巴治近5年第7任领队。之前係由荷兰名将高古执教，虽然帮球队打入欧霸32强，但联赛成绩未如理想，一样要食无情鸡。
耶拿曾经喺2013至14年球季带领费伦巴治夺得土超冠军，佢去年12月中上任之后，执教8场获3胜2和2负，成绩叫做止咗血。不过球队仲会唔会嘥精力去争欧霸，呢个确係一个疑问。
辛尼特稳阵波唔乱攻
至于作客嘅辛尼特一向重视欧霸，不过由于俄超歇冬仲未重开，球员状态始终未操起，加上辛尼特今届欧霸踢法比较稳阵，6场分组赛只入6球，基本上够赢就算略欠大胜决心，预期今场亦唔会太过进取，留番次回合返主场再砌过，推介2.5球入球细。