班主泵水
今晚英超有场独脚戏，由联赛排第7嘅狼队喺主场迎战「喜鹊」纽卡素。狼队今季可谓「遇强愈强、遇弱愈弱」，而纽卡素贵价新兵米基尔阿米朗有机会首度披甲，何况佢哋遇非Big 6球队顶得两嘴，受让必捧让球客胜。
（Now 621周二凌晨4时直播）
近7次对非Big6分子未输过
今季先升班嘅狼队，最令人印象深刻嘅係遇强队特醒，联赛赢过热刺同车仔，及打和曼城同阿仙奴，英足盃更踢利物浦出局，今季9次斗Big 6球队获3胜3和3负，唔讲得笑。不过佢哋撞正榜下游球队就提唔起劲，单计联赛，近期对水晶宫、富咸、卡迪夫城、哈特斯菲尔德及白礼顿等下游分子，只得1和4负，认真曳爆。
暂排尾4嘅纽卡素为求护级，喺冬季转会窗临闩之前以破球队纪录嘅2,100万镑转会费，签入巴拉圭中场米基尔阿米朗，何解孤寒班主艾殊利转死性？一来主帅宾尼迪斯讲明再唔增兵就噼炮，二来降班就搵唔到买家接盘仲大镬，所以先肯使钱，无论如何对士气点都有帮助，再者「喜鹊」近7次对非Big 6球队获2胜5和未输过，必捧让球客胜。