后防残阵前线醒神
今晚意甲「1哥」祖云达斯将会作客萨斯索罗。祖记今季喺联赛虽然未输过，不过近期后防伤兵一大箩，加上近年斗萨斯索罗经常上演入球骚，今场随时再靠进攻取胜，中位数2.5球大盘捧得过。
（Now 638、有线614、654、602及662台周一凌晨1时直播）
连仗失利反弹决心强
祖云达斯开季22场联赛19胜3和，係目前5大联赛唯一未败之师，未计今轮比赛前，祖记领先第2位嘅拿玻里9分，联赛8连霸指日可待，不过佢哋近期后防出现唔少伤兵，三大主力基亚连尼、邦路斯及巴沙利全部受伤，加上球队喺1月份冬季转会窗放走中坚贝拿迪亚，防守力严重受损，继意盃8强以0比3输畀阿特兰大衞冕失败，上场联赛主场又被帕尔马逼和3比3，连续2场加埋失6球，幸好一班前锋基斯坦奴朗拿度、保罗戴巴拿等王牌保持勇态，为助球队重返胜轨，今场必定搏尽争取入波。
斗萨斯索罗入波保证
另一边厢，今仗有主场之利嘅萨斯索罗，踢法一向重攻轻守，近5场主场有4次总入球达3球或以上，后防唔掂但进攻火力亦唔可以睇小，而且佢哋排喺联赛榜中游，冇太大抢分压力，随时放开怀抱与祖记斗攻。
事实上，双方近年交手经常出现大手交易，近5次联赛碰头一共合力炮製咗20个入球，当中有4次开3球或以上，可见两队交锋已经係入波保证，今场中位数2.5球大盘真係有捧趁早。