4线作战赢到即收油
今晚英超都有赛事，「2哥」曼城作客力斗「拖肥」爱华顿。曼城趁住榜首利物浦接连失分，追至只落后3分，但「蓝月亮」赛程频密，一班球员要同时应付多条战线容易现疲态，今场只求3分不求大炒，分分钟领先后就收油；爱华顿近况麻麻难当「拦路虎」，捧中位数3.5球入球细好过。
（Now 621周四凌晨3时45分直播）
今季英超争霸相当激烈，「1哥」利物浦畀韦斯咸逼和后，曼城已经将两队距离缩窄至3分，连同「3哥」热刺，边队可以季尾封王仲有排斗。曼城今晚只要作客击败「拖肥」爱华顿，就可以喺打多1场情况下，凭较佳得失球重夺英超榜首之位。
同上季相比，曼城今季战绩稍为跌Watt，主要系作客较为飘忽，继早前输过畀李斯特城，上一场作客亦喺领先情况下，最终畀纽卡素反胜呕晒3分出嚟，嚟紧作客必会踢得更为谨慎小心。而且除英超外，「蓝月亮」同时要应付欧联、英足盃同英联盃几条战线，球员体能消耗大，如能领先都唔会再抢攻，简单以3分做目标。
爱华顿主场遇强泊大巴
季前引入多位猛将嘅爱华顿，一直视争取欧战资格为目标，不过今季「拖肥」球迷睇怕又要再次失望，皆因球队依然摆脱唔到表现欠稳嘅问题，近6仗联赛主场只获1胜2和3负，加上中场猛将伊祖沙古尔有伤在身或缺席今仗，冇佢在阵中场争抢能力肯定削弱，主场对住劲旅曼城，缩后「泊大巴」唔出奇。既然曼城近8仗作客有7次开3球或以下，中位数3.5球嘅细盘谂得过。