周中波盃赛当道，大把名牌球队出场，唔怕冇重心。法足盃16强巴黎圣日耳门（PSG）作客丙组仔维利法兰，PSG虽续缺尼马，但早前已失落法联盃，加上联赛新败，下周又有欧联，如果仲有乜依郁，主帅杜曹前途冻过水，遇弱旅大炒是常识吧，让球主客和让3球都要捧让球客胜。
（Now 639、有线655及615台周四凌晨1时30分直播）
至于拜仁慕尼黑喺德国盃16强就会作客哈化柏林，哈化联赛曾经赢过拜仁两粒，冇压力下盃仔必搏，拜仁歇冬后成绩麻麻，3战2胜1负，愈踢愈沉，哈化主场随时再偷拜仁鸡，捧受让嘅让球主胜。
葡盃4强撑宾菲加
最后葡萄牙盃4强首回合，宾菲加主场斗士砵亭，2支传统劲旅对碰理论上睇头十足，不过士砵亭状态沉到爆，最近4场只得3和1负，包括3日前联赛2比4不敌今仗对手宾菲加。宾菲加心理上佔优，挟主场7连胜优势，主W稳开。呢3场有赔率，中2关除埋本都已经有钱赢，玩3串4以小博大。