今晚西甲压轴尾场，皇家德马里主场对艾拉维斯。「银河舰队」箭头宾施马近期频频士哥，刚登上球队史上射手榜「6哥」，弗到漏油，艾拉维斯近况低沉，难以阻挡皇马狂攻猛打，就算让2球照捧让球主胜！
（Now 632周一凌晨3时45分直播）
皇马联赛连盃赛4连胜状态回勇，上仗西盃淘汰基罗纳，杀入4强将同巴塞合演「国家打吡」。射手宾施马近3仗轰5粒，令佢喺「银河舰队」生涯累积入209球，超越名宿晓高山齐士进佔球队史上射手榜「6哥」位，仅次于C朗、鲁尔及迪史堤芬奴等猛人，唔讲得笑。自称「我系一个有10号灵魂嘅9号中锋」嘅宾施马，唔单止识入波，喺以往C朗在阵时，佢就不断交出助攻及走位拉空对方防线，依家承担埋入球重责，难怪近日获主帅苏拿利大讚：「我有啲朋友依家先觉宾施马好波，不过依家先知都未迟。」
周中撼巴塞前要振声威
未计寻晚赛事，艾拉维斯联赛暂列第5其实唔曳，但近7仗赢得两场咁大把，状态明显回落，而且后卫洛迪高伊利及阿祖安马连仍要养伤，岩岩为日本踢完亚洲盃嘅新兵乾贵士，相信都赶唔切披甲。何况艾拉维斯之前两次联赛造访巴拿贝球场，合共吞左7蛋，弗爆宾施马仲唔趁机数胡羊？皇马嚟紧周中就要喺西盃对巴塞，今仗势必尽快数多几粒，让球主客和让两球，照撑让球主胜。