周中英联盃4强出局嘅热刺，足总盃第4圈就会作客水晶宫。呢个伦敦打吡组合极度旺细，最近6次对垒全部总入球得1球，当中热刺赢5次，不过由于热刺让晒车马炮，兼且周中踢多水晶宫1场，赢唔赢到都成问题，不如简简单买个中位数2.5球嘅入球细好过。
（周一凌晨零时开赛，马会网上文字直播）
哈利仔迪利阿里受伤
虽然唔系新闻，但点都要提多大家一次，热刺嘅哈利卡尼同迪利阿里受伤唔出得，孙兴民刚踢完亚洲盃未归队，所以呢场波同周中对车路士一样，热刺领队普捷天奴要用洛兰迪同拉美拿攻坚，水准真系差好远。
水晶宫对住热刺，虽然近6次手交手输5次，但只系仅输1球，而咁岩赢嗰1次呢，就系2016年足总盃，要留意嘅系，呢6场对碰哈利卡尼都在阵，连有哈利仔嘅时候都只系少交收，今场更加唔会多波入，中位数2.5球嘅入球细放心捧。