今晚意甲压轴大战，「1哥」祖云达斯作客拉素。祖记火力极强，唔系只靠基斯坦奴朗拿度（C朗）单天保至尊，撞正拉素有两大主力坐波监，难挡气势如虹、近年对赛剋死佢的嘅祖记来袭，客胜好路。
（Now 638、有线654及614台周一凌晨3时30分直播）
榜首祖记弗到漏油，开季20场联赛未输过之馀，仲赢左18场，依家甩开次席嘅拿玻里9分。除左轰入14球嘅C朗功不可没，其他队友一样出色，包括上场联赛对基尔禾交出2次助攻嘅保罗戴巴拿，被主帅阿里基大讚，而翼锋杜格拉斯哥斯达亦轰入靓波，火力全开，对手都几难顶得住。
拉素两主力坐波监
相反，拉素唔单止上场联赛以1比2不敌拿玻里，守将法兰斯高阿沙比因2张莫须有嘅黄牌被逐，今场要连同锋将阿当马路锡齐齐坐波监，搞到主帅施蒙尼恩沙基头都大埋。况且双方近9次联赛交锋，祖记取得8胜1负，摆明格食格喇，今场可乘势再下一城。