亚洲盃分组赛周四凌晨，仲有D组伊朗将会和伊拉克上演「两伊」大战。赛前被睇低一线嘅伊拉克，今届发挥一啲都唔失礼，不过面对以一班喺欧洲揾食球员为主力嘅伊朗，似乎未必有力轻易取得入波，中位数2.5球入球细系好路。
（Now 671周四凌晨零时直播）
赛前两军同样2战全胜得6分，而伊朗就以较佳得失球差优势暂列榜首，呢场只要唔输波，就可以顺利以1哥身份晋级16强，所以自不然踢法会以稳守为主。作为今届夺标大热之一，伊朗喺执教功力深厚嘅葡萄牙领队奎罗斯带领，今届亚洲盃一路高歌猛进，两战全胜之馀，仲一球波都冇失过，可见整体实力绝对超班。
近3对赛全开2球或以下
赛前负面新闻缠身嘅伊拉克，明显冇受场外因素影响，场上表现依旧勇猛，尤其球员个人质素同以往一样保持高水准，其中年仅18岁前锋穆罕纳迪阿里够晒抢眼，上仗面对也门后防多人夹击之下，都可以靠个人能力连扭多人成功破网，可惜呢场对手伊朗实力明显更强，想发围绝对唔容易。睇番往绩，伊拉克近3次对住伊朗全开2球或以下，包括上届8强同对手喺法定时间内打成1比1，呢场两军随时再斗到难分难解，都系捧中位数2.5球入球细更稳阵。