未睇热刺对曼联大战之前，周日英超头场爱华顿对般尼茅夫亦不容错过，唔讲唔知，两军系除左Big 6之外，英超入波最多嘅球队，而且两军近4次交手全部总入球3球或以上，2.5球嘅入球大有买趁手。
（Now 621周日晚10时15分直播）
般尼茅夫踢法性感系人都知，今季踢左21场联赛，以中位数2.5球计，开出16大5细，开大比率高达76.2%，10月底开完7连大，喺圣诞新年快车期间回一回气开番2场细之后，联赛又3连大。
赖恩费沙系「般茅版夏神」
般尼茅夫联赛攻入31球，得球数字同今场对手爱华顿平起平坐齐齐排第7，仅次于Big6，当中最大功臣肯定赖恩费沙，呢名苏格兰中场贡献9次助攻，同车路士中场「夏神」夏萨特并排英超助攻王美誉，佢自己亦射入5球，非常厉害。由利物浦加盟嘅苏兰基因伤未能上阵，但另一红军借将右闸尼达利基尼相信会正选上阵。
至于主场出击嘅爱华顿，继续有巴西前锋李察利臣同冰岛中场基菲尔施古臣排住上，速度及创造性都不需要怀疑，「拖肥糖」近3次于葛迪逊公园球场对般尼茅夫合计入左15球，今场中位数2.5球入球大有1.59倍必捧，锺意博赔率嘅朋友，不妨小注试吓3.5球入球大，有2.65倍都几和味。