英超压轴战会由车路士斗纽卡素，今场虽然凌晨开波，但绝对值得大家捱眼瞓欣赏，因为两军近年每次对决，例必擦出火花，近6次交手，总入球例必喺3球或以上，今次再遇各有所求必具斗志，赛前买定2.5球入球大睇波，一边睇一路就住形势再追走地入球大，有权一场收几注。（Now 621周日凌晨1时30分直播）
车仔上轮联赛意外于主场闷和修咸顿，喺争标路上再被抛甩，今轮之前经已落后「1哥」利物浦10分之多，先唔好讲争标，依家个第4位都唔系好稳阵，只系分别领先阿仙奴同曼联3分同6分，「蓝战士」有乜差池，连欧联入场券都冇，今战必会全力求胜。此外，车路士射手艾华路莫拉达近期脚风回顺，虽然上周足总盃曾出现离门3码射失镜头，但该仗其实佢省入两粒。
英国传媒盛传车路士领队沙利想搵番旧部下希古恩，两人曾经喺拿玻里合作愉快，莫拉达为左保住正选位置，遇正弱旅纽卡素，必然会再度显露其射手本色证明身价。
纽卡素护级冇得缩
至于纽卡素现时排名15，为护级亦不能鬆懈，喺各项赛事已经5场不胜嘅「喜鹊」急于求反弹，相信亦唔会死守，两军近6次交手全部开大，纽卡素有4次喺车仔身上取得入波，并非完全捱打，入球大万勿错过。