周日晚西甲好戏连场，其中联赛新军侯尔斯卡将会主场挑战皇家马德里。皇马自0比3不敌伊巴之后，强势回勇，上仗喺西班牙盃仲大炒低组别球队，呢场面对实力欠奉嘅侯尔斯卡，绝对有力大胜而回，让球客胜唔好错过。
（Now 632周日晚上11时15分直播）
阿辛斯奥艾斯高脚风顺
早前联赛爆冷淨食伊巴3蛋嘅皇马，火速反弹，继欧联2比0轻取罗马之外，返到联赛都再以同样比数击败华伦西亚，信心即刻返晒嚟，上仗就延续良好气势，喺西盃以6比1横扫低组别球队美利拉，火力全开，其中两位西班牙本地薑马高阿辛斯奥同艾斯高齐齐梅开二度，脚风顺到冇朋友，帮助皇马近5仗4次赢对手2球或以上，呢场有力再带领「银河舰队」再奏凯歌。
近年首次升上西甲嘅联赛新军，不时交出惊喜表现，可惜今季侯尔斯卡就冇呢支歌仔唱，皆因佢的自联赛处子战击败伊巴后，就未赢过波，明显唔够班应付顶级联赛嘅挑战，呢场面对强势来袭嘅皇马，肯定难逃一劫，皇马「-1」湿湿碎啦。