又有曼联领队莫连奴炒鱿消息喇，今次系话：「Hold住先！」原来红魔鬼同寸王合约条款入面，如果曼联最终未能入到前4，炒莫连奴可以赔少1,000万镑（约9,960万港元），只需要畀2,000万镑就可以赶佢走，曼联高层眼见队波个势咁颓，话唔埋可以悭番笔，所以会等到季尾先再作打算。至于曼联今晚主场对富咸，两位前车仔主帅莫连奴同云尼亚里又碰头，莫连奴教曼联首季曾3次击败云尼亚里带领嘅李斯特城，睇吓今日云尼亚里有冇本事喺奥脱福攞分走喇。
（Now 621周六晚11时直播）