修咸顿搵哈辛侯治接替晓士做新领队，今日第一击作客卡迪夫城（Now 625周六晚11时直播），唔少人对佢有啲期望。51岁嘅奥地利人哈辛侯治同「圣人」签左2年半约，呢名有料之人曾经执教德甲RB莱比锡，喺16/17球季攞到德甲亚军，只系输畀拜仁慕尼黑，当年RB莱比锡压过多蒙特同贺芬咸等，所以佢份履历绝对见得人。修咸顿周中作客热刺，哈辛侯治都系座上客，佢话最印象深刻系球迷们由头到尾嘅支持，佢希望自己带领之下，球队可以踢好波畀球迷睇，咁快卖口乖果然识捞。