除左前3位之争，护级形势亦相当激烈，排第14位嘅湘南比马作客第16位嘅名古屋鲸鱼，更加系护级关键大战。双方为求自保今场都想攞晒3分，鲸鱼重攻轻守，入波虽多却弥补唔到后防之失，比马今季作客亦甚少死守，今场捧2.5球嘅大盘最好路。
（周六下午1时开赛）
形势複杂争胜系上策
现时榜末形势，长崎成功丸及柏雷素尔已笃定直接降班，第12至16位嘅横滨水手、磐田山叶、湘南比马、鸟栖砂岩及名古屋鲸鱼只相差1分，5队仲有可能沦落去踢护级附加赛。按照目前形势，如果砂岩最后一轮输波，鲸鱼同比马和波就可携手上岸，不过如果砂岩有分落袋，就要寄望山叶作客输畀前锋，鲸鱼及比马可凭较佳得失球差宣布护级成功。
由于形势极为複杂，与其望竞争对手失分，主动争胜先系最上策。鲸鱼今季33场联赛入50球，火力更胜三箭、冈萨多等前列球队，不过佢的顾得进攻却忽略防守，失57球系联赛失波最多球队。至于比马和波已足，不过睇番佢的今季16场联赛作客只有4场交白卷，客场出战并非一味死守，况且榜末局势随比赛进行随时出现变化，比马为求自保亦不容过分保守，既然鲸鱼近5场主场全开3球或以上，捧2.5球大盘最明智。