尼马未入局进攻冇灵魂
今晚世盃头场E组第二轮激战，巴西联同哥斯达黎加上演「美洲大战」。分组赛首轮畀瑞士逼和嘅巴西，皇牌尼马仲未入局，搞到进攻失晒方寸；哥斯达黎加首战仅负塞尔维亚，由门神基罗拿华斯领导嘅防线表现唔曳，有力顶住「森巴兵团」来袭，中位数2.5球嘅2.15倍细盘，好分头值博。
（ViuTV 99、Now 616及618周五晚8时直播）
自领队迪迪接手后，巴西大打前场压迫战术，正选阵容多左好多「打仔格」嘅工兵型球员，前线3把尖刀尼马、菲腊比古天奴及加比尔捷西斯就专注进攻，其中伤愈赶及踢世盃嘅尼马，更加系巴西进攻嘅灵魂。表面睇巴西分工清晰，但换个角度，都可以话佢的进攻过分依赖尼马等人。
伤势反覆表现患得患失
呢位世界最贵球员自今年2月重伤后，上月及时伤愈可带领「森巴军团」踢世盃，虽然赶得切，但大伤过后状态点都差啲。上仗所见尼马就急于表现过分盘扭，全场畀对手侵犯10次，系近20年嚟世盃单场被侵犯次数最多嘅球员。近日操练亦屡传尼马触及旧患，伤势问题令佢场上表现患得患失。再睇番巴西近4仗有3次开2球或以下，攻力并唔系想像中咁强。
哥斯达黎加势泊大巴
哥斯达黎加上届靠稳健防守打入8强，今届佢的继续沿用呢个打法，上仗虽以0比1不敌塞尔维亚，不过以门神基罗拿华斯为首嘅后防表现唔差，尤其呢位皇马首席龙门多次化险为夷，若然唔系畀高拉洛夫嘅罚球「屈机」，哥军话唔埋可力保不失。今晚对住牌面更强嘅巴西，哥军相信会再次「泊大巴」，以1分做目标。呢支中美洲球队喺世盃近5仗，法定时间全开2球或以下，今场入球细属信心之选。
